18. 05. 2023г. У Сусветны дзень музеяў вучні VII кл. здзейснілі завочнае падарожжа па музеях Шчучыншчыны. “Мы павядзём вас ў музей!” – тэма чарговага ўрока ў музеі.
17 мая 2023г. старшыня савета музея Бараноўская Вераніка прыняла ўдзел у Рэспубліканскім форуме музеяў устаноў адукацыі Рэспублікі Беларусь, які праходзіў у Мінску.
10.05.23г. На ўроку ў музеі, прымеркаваным да Дня Перамогі, – гадзіна смутку “Трагедыя і боль Астрынскай зямлі” – вучні V класа.
9 Мая музей далучыўся да святкавання Дня Перамогі. У рамках праекта “Музей у чамадане” жыхарам і гасцям Шчучына былі прадстаўлены раздзелы экспазіцыі “Тут родзіцца думка за думкай” “Вугалок дапрызыўніка” і “Грамадзянскае і патрыятычнае выхаванне вучняў”.
01.04.2023г. У музеі адзначылі Міжнародны дзень дзіцячай кнігі навучэнцы дзіцячага аздараўляльнага лагера пры школе. Яны сталі ўдзельнікамі дэфіле новай кнігі ў чытацкім салоне “Мода на чытанне не змяняецца!“
23.03.2023г. “Урок у музеі” – сумесны праект з гарпасялковай бібліятэкай. Паэтычны калейдаскоп у чытацкім салоне “На хвалях паэзіі ў далеч плывеш…” (да Сусветнага дня паэзіі). Да паэтычнага слова дакрануліся вучні 6 класа.
21.02.2023г. Вучні 3 класа ў Дзень роднай мовы наведалі чытацкі салон “Сэрцам роднага слова краніся”.
15.02.2023г. Вучні 4 класа – будучыя піянеры – на ўроку “Яго імя носіць наша дружына”, прысвечаным памяці воіна-інтэрнацыяналіста Д. Удота.
У чытацкі салон “Сэрцам роднага слова краніся” 04.01.2023г. завіталі выхаванцы ДАЛ “Вясёлка”. Чытаем казку Г. Скаржынскай-Савіцкай “Чаму васілёк жыве ў жыце?”
29.12.2022г. выхаванцы ДАЛ “Вясёлка” дакрануліся да жыцця і творчай спадчыны славутай зямлячкі падчас інтэрактыўнай гульні “Сцяжынкамі Алаізы Пашкевіч”.
Адзначым свята разам. 15.12.2022 – 40 гадоў з дня адкрыцця музея А. С. Пашкевіч (Цёткі). Інтэрактыўная гульнёвая праграма “Па старонках летапісу музея”.
У чытацкі салон “Сэрцам роднага слова краніся” завіталі вучні 1 “А” класа. Чытаем казку Г. Скаржынскай-Савіцкай “Хто важнейшы?”
Акцыя “Творы Коласа чытаем – і красу мы спасцігаем”, прымеркаваная да 140-годдзя з дня нараджэння Якуба Коласа.
Стала добрай традыцыяй у савета музея праводзіць літаратурныя гасцёўні “Спяшайцеся з паэтам стрэцца…”, якія спрыяюць папаўненню фондаў: музей Цёткі атрымаў у дар творы такіх аўтараў, як Людмілы Кебіч, Ганны Скаржынскай-Савіцкай, Ірыны Шатыронак, Мікалая Сярова, Уладзіміра Руля, Эдуарда Акуліна, Леаніда Дранько-Майсюка, Алеся Хітруна, Станіслава Судніка, Аляксандра Чучвы, кампазітара, музыканта, спевака з Астраўца Аляксандра Якіменкі і інш.
Дзякуючы Пяткевічу Аляксею Міхайлавічу – прафесару ГрДУ – з’явіліся ў музеі такія каштоўныя экспанаты, як зборнікі Цёткі 1906г. “Скрыпка беларуская” і “Хрэст на свабоду”, кніга Гальяша Леўчыка “Чыжык беларускі” (1912г.), зборнік “Беларускія легенды” (1921г.).